Mujhay bas itna kehna hai
Kabhi main yaad aaoon toh
Kabhi tanhai ki raatain
Tumhain ziada sataein toh
Kabhi titli na bolay toh
Aur jugnoo lout jaye toh
Kabhi jab dil bhi bhar jaye
Koi jab sunn na paye toh
Agar sab dost sathi bhi
Jo tum se rooth jaaein toh
Kabhi jab khud se lar lar kar
Thakan se choor ho jao
Kabhi chahtay huay bhi khud akelay
Ro na paao toh
Apni aankhon ko band karna
Mujhay aawaz de dena
Aur phir meray tasawwur se
Jo chaho batain keh dena
Meray kaandhay pe sir rakh kar
Tum jitna chaho ro lena
Phir khud main jab loat jao toh
Us he duniya chalay jana
Magar bas itna kehna hai
Ke jab bhi dukh ya khushiyon main
Hamain dil se pukaro gay
Hamain tum saath pao gay................
No comments:
Post a Comment